Bo Mnger Shin Makurdi: Ior Mba Sorun Uyaav Vev

Bo Mnger Shin Makurdi: Ior Mba Sorun Uyaav Vev

Bo Mnger Shin Makurdi: Ior Mba Sorun Uyaav Vev

Sha zwa u KiNG JAMES YiYE shin Makurdi

Er bo-mnger u yange kua ior uya, ishule, zende-nya man kwagh-yan ne pande yem man Gomenenti za penda ior sha kasua u i yilan e Makurdi International Market la yô, ior mbagen hide yem mba za nôngun a uyaav vev sha er bo-mnger un ahide a va kpa a de eren ve chaveraa ga yô.

Shie u ASKiNG RADiO Tiv due se za shin Nyiman yô, se nenge ior kpishi lu maan akam yisan ihinda ve, mbagen di lu wan u igyaa mba taven sha karen gbenda u hen u ya vev.

Orvesen Ianbee Shie kaa nahan wene, ka di kwagh u un a nenge e un a er u wasen iyol na je la.

Kpa Engr. Sesugh Abelaka kaa wene, kwagh u ior mbela ve lu eren la, a lu shi ula hide nôô man bo-mnger la hide va yô, gbenda u alu u ma karen duen ke uya mbela ga, man a hemba vihin chii.

Bo-mnger gba ayou shin Makurdi

Ve mba gen mba ve lam a vese yô, ve kaa e, ve za wa ati ve shin kyamp, kpa kwagh la ka kwagh u za lun shimin ga nahan ve hide u va nôngun sôrun uyaav vev.

Er se er zende naleagh yô, se nenge ior due a u katifa vev tsen sha u ve uma yô, mbagen lu yôrun ke won sha achiu u ayou ve a yôrun gba lu he nya jimin chii.

Kwagh gen u alu zan hemen hen geri u Makurdi ne yô, Aôndo ka un a gba ula je,  ior ve yem zungwen. Hegen je kpa ka a wanger sha kwav-Aôndo ga, shi mba nengen sha kwagh u ula man ahumbe, ka meteorologists je la, mba kaan er ula kpôô-kpôô je yô ngu van a va.

KiNG JAMES YiYE ngun nan ripoti ne shin Makurdi.

Related Posts

Facebook Comments