ASKiNGRADiO.com | Abaver | Makurdi | Disemba 10
Er Rev. Fr. Prof. Francis Shagbaor Wegh a nyer anyom akundu-ahar (40) ke Pristi yô, Or-Abaver u ASKiNG RADiO David Terkura ngu sha ahenga a m ember ne.
Sha mimi yô iember i hen iyou Adua i St. Michael’s Catholic Mission, Nyôrgyungu, Makurdi ne nger wuee je.
Sha ishigh ki MbaKristu man mba-vanya heen, hemban chii je yô mba M lam ave heen nyian ne.
I mar Rev. Fr. Wegh wer u sha ateratar ayange ikyundu ken inyom i dubu-môm man deri-utaan-kar-unyiin man akundu-ahar-gber-kar-unyiin la (20-06-1954).
Mbamaren nav yô lu Pa Wegh Bar man Mama Veronica, hi Ukan, Ushongo Local Government, Benue State.
Fr. Wegh yange nyôr minor Seminary vea mbakwav nav kyundu-gber-kar-utaan-kar-unyiin (39) kpa lu Fr. Wegh man huror na môm tsegher i gema ve Fada ye, kpa hegen yô ngula lumun myila u Ter Aôndo.
I gema Fr. Francis Wegh Fada u ke Catholic Diocese u Makurdi wer ayange pue, wer u sha pue-kar-uhwar ke inyom i dubu-môm man deri-utaan-kar-unyiin man akundu-atar-gber-kar-utaan-kar-uhwar (10-12-1977. Yange i lu His Lordship, Most Rev. Michael Okoro, Bishop u Abakaliki Diocese yange gema Fada Wegh sha Lessel ye.
Michael Kaase Aondoakaa, SAN
Senator George Akume
Rev. Fr. Prof. Francis Wegh man Tsombur u Catholic
M nyer sha m lu i ityô i Tiv
Kwagh ngeren sha mar man mlu u Rev. Fr. Prof. Francis Shagbaor Wegh sha zwa u Nathaniel Ushahemba Nôngu yô tese ikyav e Fr. Wegh ngu or hii-hii ke Najeria u lun a Ph.D ke Social and Cultural Anthropology.
Ityô yam tema nen imôngo ne a vese sha er se lu van ne a zende ke Pristi u Rev. Fr. Prof. Francis Shagbaor Wegh yô.
