Gen. Victor Malu Za Mem A Uter Nav

Gen. Victor Malu Za Mem A Uter Nav

Tiv.ASKiNGRADiO.com | Abaver | Tse Adôôr | 28-10-2017

Judith Gum ke Tse Adôôr, Benue State

Nyian ne ka iyange i masetyô i Lt. Gen. Samuel Victor Leo Malu, u yange lu Chief Of Army Staff la hide yem u za memen sha tar na ke Tse Adôôr, ke Benue State hen kpen tar u Nijeria heen.

Gomna u kpen tar u Benue Samuel Ortom tôndu zwa wene un a umbur Victor Malu hen Benue keng-keng shie u un a za lam a mba-idyuu mba shim Benue State House of Assembly la yô.

Ortom kaa wene Malu yange lu ‘orshoja u fan tom man shi or u lun a ichivigh iyol kpishi, man bende a u uma mba ônTiv shawon chii man ior Benue kpaa yô’.

Shie u lu lamen yô, Chief of Army Staff, Lt. Gen. Tukur Buratai kaa wene, Gen. Malu yange lu or u fan iliam tsembelee, wanger wen ke ityo shi fa tom na, man shi lu or u eren kuku-ku ga, lu or u lun a bem man or-shoja u lun a mgbe-shima-ikôr kpaa”.

Buratai kaa nahan je wene, ku u Victor Malu ne va a mgbe-jime ke shoja i Najeria, tsombur u malu jimin chii, Najeria man West Africa sub-region ne kpaa.

Afishe a shoja i Najeria a i yee e Nigeria Army Headquarters Garrison la hii yange i tom-anyiin- je yane ve za haa afo u eren ior mba sha Tse Adôôr twer man nan ve chimbiv gbilin, kwagh u buter ka a yila  e ka Medical Outreach la.

Yange Lt. Gen. Samuel Victor Leo Malu nyôr shoja sha Defence Academy, lu môm ke mba i yilan ve e Regular Course 3 la ke inyom i 1967 i kômishen un 2nd Lieutenant ke inyom i 1970.

General Malu kôr ityom ave kpishi je ke shoja i Nigerian Army, lu;

General Officer Commanding (GOC) 82 Division, Enugu

Contingent Commander man Chief of Operations u Contingent Nigerian ke Liberia ke inyom i 1992

Force Commander, ECOMOG, ke Liberia ke inyom i 1996.

Man ahur-a-ior na yô lu;

-Brig. Gen. David Mark

-Brig Gen Tunde Ogbeha

-Maj Gen Chris Abutu Garba

-Maj Gen Alwali Kazir

-Maj Gen Abdulkareem Adisa man

-Vice Admiral Okhai Mike Ahigbe, mba uhwar mban chii kela mba uma ga.

Yange i kômishen Victor Malu u lun Second Lieutenant wer ayange 14 wer u sha utar ke nyom i 1970…

Victor Malu vea wan-kem na, mbayev man mbayev  mba mbayev  nav

Lt. Gen. Samuel Victor Leo Malu ngu a mbayev unyiin, mbayev mba mbayev nav mba uhwar.

Yange lumun m yila u Ter Aôndo wer ayange 9 wer u sha pue ke nyom i 2017, lu anyom 70

 

Related Posts

Facebook Comments