Hide Se Kaha Nen Sule, Paul Botwev Orhii

Hide Se Kaha Nen Sule, Paul Botwev Orhii

Msugh ityô yam Tiv chii, hegen se lu van ne a abaver a asav-asav hen tashan radio wase u ASKiNG RADiO u Tiv ne, man Ka mo wan wen, KiNG JAMES YiYE, nahan ne kegh ase ato.
Kenger kwagh-ôrun ne sha YouTube
Shagba-wan u Tiv Dr. Paul Botwev Orhii un shon u vande hemen ijiir i nengen sha kwagh u akaa a yan, chii mbi menan man kuman man shi wan iyiav chii ka National Agency For Food And Drugs Administration And Control shin NAFDAC je la, kaa we ne, a wa ityô i Tiv kwagh kaa nahan we ne ve nôngu ve hide ve za kaha sule, za hemen u kaan je we ka sule u kahan u awase ityô i Tiv ye, “mkurem ma petrol ma yange i teen ve Najeria a zua a inyaregh ve se kpa a na se Federal Allocation ne kpa kera ma lun ga, nahan ityô i Tiv i hide i za kaha sule tsembelee, a lu u kaha sule man u ngu a kwaghyan yô, hanma-or nan a va yam kwaghyan nahan alu u yôugh-yôugh, mbayev kpa u fatyô u kimbin ve makeranta”.
Dr. Orhii kaa je wene a kwaghyan yô, iyol kpa Tiv ve a taver er ve vande taver nahan, shi iangev kpa vea gba chôv-chôv ga.
Shagba-wan Botwev Orhii lu lamen a Tim Cuttings Agber shie u na ASKiNG Media akpa a amunanegh kuma iyenge je er Akunde-anyiin nahan u za nan ior mba bo-mnger a er ve chaveragh shin Makurdi sember sember ne la. Shi kaa nahan wene, doo u ior Benue man ve tema man ve nenge sha kwagh u bo-mnger ne man yangen ma u Shi va timin ior shin vihin ve u ya ma ishule.

Dr. Orhii na ior akpa a amunanegh

 

Nahan er mo KiNG JAMES YiYE, Orhemen u ASKiNG RADiO kpa Tim Cuttings Agber kaa wene M wa zwa yô shi M de ga, M na Dr. Orhii iwuese er ka a vande eren imbya erdoo ne yô.
Shie u yange mngerem vande zendan ior ke inyom i 2012 la kpa yange Dr. Orhii va a chinkafa tsegher u trela kpishi, shi va a ichigh ki mbayev man kasev mba u yaav.
Shi yange va a u bologo man mba abeda man u bol mba mbayev gbidyen hungur a ichan man u bokoti man milk man mba indomie nahan u mato u mato.
Kwagh u hemban chii je yô shie u Fulani zenda ior mba ke Daudu la kpa shi Dr. Orhii a na se inyaregh ki nan mngerem man a kar ayan man akondo ke camp je kuma anieni ke North Bank, Wurukum man Asukunya.
Dr. Paul Botwev Orhii yange lu Director General u NAFDAC je kuma anyom a taan nahan chii ve Mase hungwan ye.

Related Posts

Facebook Comments