Amo man Amar: ichegher shin Ankeredede sha wegh ku Shagbaor Tim Cuttings Agber
Shie’ ú ka á ôrun kwagh á teren amo man amar a ichegher shin Ankeredede yô, kwagh ú hii hii ú ka á hemen van or ke’ ishima yô ka Iortimbir Ajabu. Amo, Amar shin Kwaghkuhan ú Tiv ve yiran hegen er Ichegher, mbagenev ve yer’ er Ankeredede ne ka Iortimbir Ajabu Dyegeh yange va a min ye.
Everest Iortimbir Ajabu vea Iortimbir Ajabu
Í mar Iortimbir ken inyom i 1922 Uwer ú sha 9, ayange 9 hen Adikpo-Mbaagwa; á kuma anyom hegen 95. Ter na lu Ajabu Dyege hen Mbaagwa, hen eniel ú nyian í yiran er Ushongo la. Kwghôron ú sha zwa ú Iortimbir Ajabu yô kaa er yange un ma Jiagba gba kpa Imo na ka dyako ú shin Yangô-na.
Môm ken amo á Iortimbir Ajabu dugh shi waan sha kwaghkuhan na, a ior ve hemban soon ú ungwan yô lu imo í sha ku ú Tor Tiv Akperan Orshi Kur Baka. James Akperan Orshi Kur Baka yange lu Tor Tiv ú sha Utar, yange kpa uwer ayange 14, Uwer ú sha Utaan, 1990.
Itine Imoogh: Ku ú Tor Tiv Akperan Orshi Kur Baka
Uwer Ayange: 5, 18, 1990.
Ayooo!
Tor Tiv Zaki Tor Akperan Orshi Kur Baka
Kendem é m gbe genger vaan ye o!
Ayooo! Tor yem, ve m gem vaan ye.
‘Pe kwagh á zem iyol je yô Tiv doo ga!
Á ngure ‘pe á na Tor Tiv
Á kuma er á ngbagh anyi yô
Orinyar Jime Akaaka
Wan Aza Igyongo Wan Ipyav
Mama inja í Tiv war taver
Akume Atôngo ka a ape
Tesen we ormbatsav
Kpa ka me á nengen á pulusu
Ú zan ikyua kyua yô m chia tesen we
Nenge he’ Gboko
Pulusu ngu icha ga yum
Or la tsegha anibyume Indyer
Ngu á min hi kpuaa
Á zenda or la shin Gboko ga yô
Kwagh ú genegh shi ngu kimbir ú eren
Ka ‘pe ka m ôr kwagh
Me á yem ior í nyiman je la
Man shien chukuu ve gba va lumun ye
Kuzungu Ikyumbur Jaga
Wan ú Mbakor m va
M tema Chiaman ú Ushongo
Ke’ ijime Madam Utov
Me vaa
Wan Zam ú Utov
M ngu ngohol we uwegh
Me vaa ku ne
Ior vea ungwa á we ye ee!
Tim Cuttings Agber
