Kyegh Sha Shwa va Tiv a ijoo-zwa

Kyegh Sha Shwa va Tiv a ijoo-zwa

INIONGO Í KYEGH SHA SHWA VA SE A IJOO-ZWA

Or-ngeren, Tim Cuttings Agber

Kwagh ú í yer nyian er Kyegh Sha Shwa ú ka í tôndo geendee er KSS la yange hii
Uwer ayange 11, Uwer ú sha 11, ken inyom í 2015 (11 th November, 2015).

Fada ú hen iyough adua í Orjighjigh Francis (St. Francis Catholic Mission) hen Daudu, Fada ú
Chivirigh (Rev. Fr.) Solomon Mfa Ukeyima yange tema nenge sha ieren í ôntiv mba lu
pasen ve kwaghaôndo yô za un iyol kpishi.

Fada nenge wen er ôntiv mba un lu hemen ve ken Keretu ne ve teman ken iyoughadua imôm, sha ikyagh imôm kpa asema ve yô lu icha a mbagenev; lu sha nahan kpaa tema gba keren gbenda ú van a mzough man doo’shima hen atô ú aningbianev mban ye.

Kwaghya Judith Hirnyam

Er shie va kár kera yô, Feda Solomon Mfa Ukeyima kor ‘kyegh pue, yila agbaa á aduagh na pue na ve ‘kyegh imôm imôm er ve za sôngo ve jiir sha ‘shwa ve kume ruam sha er ior chii vea tema imôngo á ya kwaghyan ikyagh imom yô. Kwagh ne yange er nahan vough; Feda kua ior nav mban chii ve ya kwaghyan ikyagh imôm shi ve ember a msaaniyol kpishi, ior hime iyongo kpaa sha Iyange la.

Tsô er akaa ne va kar kera chii yô, Feda ú Chivirigh Solomon Mfa Ukeyima nenger er mhen ne ka ú teman á tema á min ikyum ga nahan yira Shederaki (Shadrach) Ukuma er vea samber a iniongo ne. Lu hen shie ne kpaa zege iniongo í Kyegh Sha Shwa (KSS) ne hii ye. Sha nahan yô, Iniongo í Kyegh Sha Shwa í hii-hii yô hii sha uwer ayange 27 Uwer ú sha 12, ken inyom í 2015 hen Daudu.

Akaa kpishi yange za hemen hen zege iniongo í Kyegh Sha Shwa ne. Or ú nan sema kwaghôron Wantaregh yange lam sha semakwagh ú mzough mom man izoughzwa í Tiv ú lun gungur môm. Yange shi í ta gerasha u Uka-Uka man Iniôngorawange (Burukutu) kpaa.

Kasev Daudu

Ve mbera mba yange ve er tom kpoghoroo ú nan iniongo ne í kor chio yô yange í lu:

Elijah Terdoo Ikpanor

Ati Kengkeng Kenneth

Ati Terkula

Shiminenge Damna

Simon Ayôngul

Jude Akumbur

Dooter Igbudu

Samson Terzungwe Abeh
Iorliam Shija

Paul Bija

Ayôô Pius

Ukan Kurugh

Sabastian Uii

Solomon Tyôhemba

Laz Apir

Sam Ijôho kua mbagenev kpaa.

Kyegh Sha Shwa 2016

Ka va gem’ inyom í genegh yô, ka inyom í 2016 je la, í mir iniongo í Kyegh Sha Shwa ne lu hen Daudu di tsô kpa í gema í na itine kwagh i iniongo ne er “Ayatutu za Hana?”

Hen shie ne kpa iniongo ne í er tsembelee, gerasha inja er Uka-Uka nahan kpaa ve ta je zua ga. Kpiraior í yange í yar iniongo ne yô ngee je hemba Ishohogh (kasua – ú) ki Agbo sha Mbakaange.
Inyom í 2017 ne kpaa, iniongo í Kyegh Sha Shwa í alu eren – ishima í veren ngi er á kera lu hen Daudu ga kpa alu hen Gboko – man sha achiu ikpilagh ki iorov ki ka ki yar iniongo ne yô, Mba í tsogh ve (Committee) sha hemen ú Orvesen Shadrach Ukuma mba tesen ken igbyar, tôndon kwamegh shi ngohol shankyura sha ú wan agoiyol a va eren iniongo ne Uwer ayange 27, Uwer ú sha 12, ken inyom í 2017.

KSS 2017 Mtese u ke’ igbyar

Kwamegh ku tôndon man mngohol ú shankyura ne á lu eren hen Agirigi ú
Precious Events Center, Makurdi ahwa 5ai (5pm) aikie.

Aaven a Asav á Sav á Iniongo í Kyegh Sha Shwa (KSS), 2017 26 ua Puekaruhar
 Kwaghhir
 Amar
 Gesa u Amoo
 Gesa u Kwagh Alom
 Gesa u Kikya


Ayange 27 wer u sha Pue-kar-uhar
 Mba ve tee iyua vea due tembe
 Kwaghôron Sha Zwa ú Ormirin Inongo
 Kwaghôron sha zwaú Orhemen Iniongo
 Icam í sha Itinekwagh i Iniongo
 Sema Kwaghôron Sha Zwa u Bishop ú Gboko
 Gesa u Uka-Uka man Kwagh man
 Kwaghwan sha zwa ú TorTiv
 Iyua mba nan
 Kwaghôron ú Gomna u Benue
 Kwaghôron u Sha Mkur
 Ior vea za hemen ú man iniongo

Related Posts

Facebook Comments