ASKiNGRADiO.com | Abaver | Makurdi | Jan 19, 2018
‘Va a akwati môm u gen heen, war ngu gbilin sha line ne’, lu kwagh u hii-hii u M ungwa shie u M nyôr shin pe i lu iin kpila-ior i kuman ingee 73 i Fulani wua ve ke mnya la yô.
Ken môm mba ve tile hen war u i lu a chigh u ga la yô lu un shun i wua wan na u sember za been NYSC yô.
Shie u lu lamen a ASKiNG RADiO Tiv yô, kaa wene kwase u wan na mar wan-nomsu nyen u kpenan ilu iin wanna man ior mba gen la.
Lam imo mlya wene ‘er un fe i lu Aôndo A ne uma shi A tôôn nahan chii kpaa, wan na kpe ku yev-yev yum’.
Mase zamber a Gomenenti u Benue e a de te ve kela ga, a wase un u kosun wan-kyundan na la.
Mba vaan ku tile shin iwar er i lu iin kpila-ior ne yô
Man gema orvesen Kaor Chia Surma yô, kaa wene Tiv ka ior mba soon bem tsembelee kpa yina a yina ve iyol ga, nahan Fulani ve de bamen ve, ga yô ivo kpa ka a zer a i gbem i nyuma!
Steven Orya Acka di yô vaa iyol wene shima vihi un keregh kpishi je er Fulani ve lu wuan kasev man mbayev-kyundanev yô.
Kaa je wene, kwagh la per tindi i Geneva Convention la, sha chi u ke u tya je kpa gba pe a wua kasev man mbayev ga, man se je yô se za ityav ga, ka hi u ya mba u ter asev, man u Fulani ve va u kuman kasev mba u yaav dughuun an-kyundanev la ka kwaghbo u tar sha won chii u mough sha u venda a imo i taver yô.
Shin iwar ne di tsô se nenge a Rev. Fada Ityaegh Godwin un shon u a lu Parish Priest u St. Augustine Quasi-Parish Umenger kange chado hi u ya lu a mlyam a she.
Fada Godwin lam a Or-abaver u ASKiNG RADiO Tiv Tim Cuttings Agber kaa nahan je wene, shin Parish na tseghee kpa lu ioruv ateratar i lu iin ye. Mba gen yô i lu a zua a ikyom ve ga.
Governor Samuel Ortom yange vande haan vaa a Federal Government man mba ve lu ityough sha kwagh u Security ke Nijeria chii je wene, Fulani lu suen u va tan num sha ityô i Tiv kpa or ungwa un heregh ga man yange ve mase va wuan kpila-ior sha yange i nyom i he ye.
Ior kpishi hen nahan ye President Mohammadu Buhari ngu gbimin sha kwagh u Fulani ve lu wuan ior ke tar wase ne, mba shon mbe la ve na jigh-jigh ye hemba gban Buhari shima u kuran ibua i Fulani a u uma mba tôndu zwa sha constitution u Nijeria e un a kura ve ne.
Kpa kwagh môm u ior Benue ve ôr ASKiNG RADiO, shi ve tindi a loho hi Buhari yô, ‘i wua se kuma hegen’.
M ii u ior mba Fulani wua ve yô
KiNG JAMES YiYE shin Makurdi.
