tiv.ASKiNGRADiO.com
Shie u Tyoor u Mbagba Zaki Gregory Tyohile Gate er tom tor kuma anyom pue yô, yila tagher-tagher mba-u-ôn Mbagba va na ve ichivir i Batur ka a yila e honour la.
Mba Tyoor Gate er ve ichivir yô lu;
Fada Patrick Tor Alumuku un shon u a lu Director u Communications sha Arch-Diocese u Abuja man Director u Catholic Television u Najeria la.
Fada Richard Tule, Fada u Mbagba u hii
Air Vice Marshal James Gbum
Professor Uvah
Kwaseya u Nomhwange
Innocent Tule, loya u Mbagba u hii
Professor Zakarys Gundu man mbagen kpaa.
Ka wagh hii-hii u Mbagba eren inja iniongu ne je ne, shi Zaki Gregory Gate na jihj-jigh wene iniongu ne i a ze hemen yô man i lu mzehemen u Mbagba man tar Tiv chii.
Shie u Fada Patrick Tor-Alumuku lu lamen a ASKiNG RADiO Tiv yô kaa nahan we ne ichivir i Tyoor u Mbagba Zaki Gregory Gate a ne ve ne saan un iyol kpishi, man ikyenge yila ator a gen ke tar Tiv kpaa sha u ve umbur ônuv vev sha u van a mzehemen u Tiv yô.
Fada Alumuku kaa nahan je wene, ve wa tor kwagh ye iniongu ne man i hingir iniongu i hanma inyom chii sha er vea nôngu u sôrun tar ve Mbagba yô.
Professor Zakarys Gundu kpa shie u lu lamen yô kaa nahan we ne, gba pe se ngohol tar wase, man na zamber hen mba-pativ man shi ior mba ve ze makeranta ve hingir tagher-tagher chii e, ve wase tar sôrun, ve de kera vihin a vihi u ga.
Kema ihôwe heen u ungwan Fada Tor Alumuku
